«HRUšnikaŭ» Jerafiejeva i Alaksandrava pieraviali ŭ SIZA
Aryštavanych va Ukrainie rasijan Alaksandra Alaksandrava i Jaŭhiena Jerafiejeva pieraviali sa špitala ŭ śledčy izalatar, paviedamiła advakat Jerafiejeva Aksana Sakałoŭskaja.
«Na hety raz infarmacyja dakładnaja, ich sapraŭdy pieraviali», — paćvierdziła jana.
Raniej advakat ŭkrainskaj lotčycy Nadziei Saŭčanka Mark Fiejhin zajaviŭ, što, pavodle jaho infarmacyi, śpiecsłužby Rasii i Ukrainy viaduć pieramovy ab abmienie Saŭčanka na Jerafiejeva i Alaksandrava.
Fiejhin nahadaŭ, što «pamiž Rasijaj i Ukrainaj praciahvaje dziejničać pahadnieńnie ab pravavoj dapamozie, pavodle jakoha, paśla zapytu Ukrainy, Saŭčanka, paśla pryznačeńnia joj prysudu, pakarańnia luboha, choć 25 hadoŭ, choć 1 hod, mohuć adpravić adbyvać pakarańnie va Ukrainu».
Adnak advakat Jerafiejeva zajaviła ahienctvu RIA «Novosti», što abmienu zatrymanych rasiejcaŭ na kaho-niebudź «nie budzie».
Zdahadka Fiejhina stała nie pieršym takim paviedamleńniem. Raniej rasijskija ŚMI publikavali anałahičnuju infarmacyju, adnak u Słužbie biaśpieki Ukrainy (SBU) jaje abviarhali.
Alaksandr Alaksandraŭ i Jaŭhien Jerafiejeŭ byli zatrymanyja na Danbasie 16 maja paśla bajavoha sutyknieńnia, u jakim zahinuŭ ŭkrainski vajenny. Na dopycie rasijanie zajaŭlali, što słužać u adnym z padraździaleńniaŭ rasijskich Uzbrojenych sił, a na terytoryi Ukrainy vykonvali raźviedzadańnie.
U ministerstvie abarony Rasii zajavili, što Jerafiejeŭ i Alaksandraŭ zvolnilisia z vajennaj słužby jašče ŭ śniežni minułaha hoda.
U SBU adznačajuć, što sud nad rasijanami pavinien adbycca ŭ vieraśni.