Baćkam nie skazali, bo viedali — nie puściać: u Prypiaci patanuŭ 12-hadovy chłopčyk
sk.gov.by
Niaščasny vypadak adbyŭsia 22 lipienia ŭ Pinskim rajonie kala 16:00, paviedamlaje sk.gov.by.
Chłopčyk pachodziŭ ź vioski Knubava. Jon adpraviŭsia na rečku razam z małodšym bratam i siabram. Baćkam pra svaje płany schadzić papłavać jany nie kazali, bo viedali, što nie dazvolać.
Padčas kupańnia 12-hadovy chłopčyk nyrnuŭ u vadu, paśla čaho staŭ tanuć. Zatym i jaho małodšy brat, jaki nie ŭmieje płavać, zvaliŭsia ŭ raku z abryvistaha bieraha. Pieršapačatkova siabar pasprabavaŭ vyciahnuć starejšaha z bratoŭ, ale biespaśpiachova. Małodšaha jamu ŭdałosia vyratavać.
Cieła 12-hadovaha chłopčyka z vady zmahli vyciahnuć supracoŭniki Pinskaha centra respublikanskaha atrada śpiecyjalnaha pryznačeńnia. Učastak raki, dzie adbyŭsia niaščasny vypadak, nie prystasavany dla kupańnia.
Pa fakcie śmierci padletka Pinski mižrajonny adździeł Śledčaha kamiteta Respubliki Biełaruś pravodzić pravierku, pryznačana sudova-miedycynskaja ekśpiertyza.