U Breście va ŭłasnym kabiniecie zastreliŭsia supracoŭnik milicyi
Cieła znajšli 22 lipienia kala 8 ranicy.
Padrabiaznaści i zvańnie milicyjanta pakul nie ahałošvajucca.
«Na trupie supracoŭnika UUS byli prykmiety śmierci ad ahniastrelnaha ranieńnia. U dadzieny momant Upraŭleńnie Śledčaha kamiteta pa Bresckaj vobłaści pravodzić pravierku pa fakcie vyjaŭleńnia cieła, razhladajucca roznyja viersii», — paviedamiła Maryna Drańkova, hałoŭny inśpiektar pa infarmacyi i suviazi z hramadskaściu upraŭleńnia SK pa Bresckaj vobłaści.
Miascovy partał «Virtualny Brest» śćviardžaje, što havorka idzie pra davoli vysokapastaŭlenaha supracoŭnika, načalnika adnaho z adździełaŭ.
Infarmacyjny partał TOMIN.BY paviedamlaje, što aficeru milicyi było 37 hadoŭ, jon zajmaŭ pasadu namieśnika načalnika adździeła kryminalnaha vyšuku, byŭ majoram.