Darmajedam admoviać u hrošach na pachavańnie
Ciapier svajakam pamierłych dajecca ad dziaržavy 6.574.900 rubloŭ
fota Siarhieja Hudzilina
Pastanova Saŭmina №585 «Ab vypłacie dapamohi i kampiensacyi vydatkaŭ na pachavańnie», jakoje ŭstupiła ŭ siłu z 12 lipienia, vyznačaje katehoryi hramadzian, jakim mohuć być vypłačanyja hetak zvanyja «pachavalnyja». Dakumient byŭ apublikavany ŭ piatnicu na nacyjanalnym pravavym internet-partale pravo.by.
Nie zarehistravanyja ŭ centry zaniataści biespracoŭnyja i ich dzieci na vypłatu raźličvać nie mohuć. Nie daduć hrošy na pachavańnie i tym, chto ŭnosiŭ abaviazkovyja strachavyja ŭznosy ŭ biudžet mienš za 10 hadoŭ.
Zhodna z dakumientam, za košt biudžetu pakryjuć vydatki na pachavańnie tolki peŭnym katehoryjam hramadzian. Raźličvać na «pachavalnyja» mohuć:
— hramadzianie, na jakich na datu śmierci raspaŭsiudžvałasia dziaržaŭnaje sacyjalnaje strachavańnie. Jany sami abo niechta za ich pavinien byŭ ŭnosić abaviazkovyja ŭznosy ŭ biudžet;
— hramadzianie, jakija ŭnosili abaviazkovyja strachavyja ŭznosy ŭ biudžet jak minimum 10 hadoŭ;
— piensijaniery, jakija atrymlivali piensiju za košt biudžetu;
— biespracoŭnyja, jakija aficyjna zarehistravanyja ŭ centry zaniataści;
— niepaŭnaletnija dzieci vyšejpieraličanych katehoryj biełarusaŭ i studenty va ŭzroście da 23 hadoŭ.
Dapamoha na pachavańnie ŭ červieni była roŭnaja 6.574.900 rublam.