Łukašenka daručyŭ Šunieviču praciahnuć aptymizacyju pracy MUS
Alaksandr Łukašenka, prymajučy z dakładam 17 lipienia ministra ŭnutranych spraŭ Ihara Šunieviča, daručyŭ praciahvać aptymizacyju pracy Ministerstva ŭnutranych spraŭ, u tym liku kadravuju i funkcyjanalnuju.
Jak paviedamlaje pres-słužba prezidenta, biełaruski kiraŭnik pryniaŭ Šunieviča pa jaho prośbie.
Łukašenka prainfarmavany ab vykanańni jaho daručeńniaŭ datyčna reformy MUS, jakaja praktyčna zavieršana. «Była praviedziena kadravaja aptymizacyja, likvidavanaja častka rudymientarnych padraździaleńniaŭ. Vyzvalenyja srodki vykarystanyja na raźvićcio ministerstva, pavyšeńnie hrašovaha zabieśpiačeńnia supracoŭnikaŭ, palapšeńnie materyjalna-techničnaj bazy. Aprača taho, byŭ poŭnaściu pierahledžany ŭvieś śpiektr zadač, što stajać pierad MUS, nieŭłaścivyja Ministerstvu funkcyi skasavanyja», — skazana ŭ paviedamleńni pres-słužby.
U chutkim časie Łukašenku buduć padadzienyja kankretnyja prapanovy pa dalejšaj aptymizacyi pracy MUS. Aprača taho, jamu paviedamlena pra niekatoryja apieratyŭnyja materyjały, što znachodziacca ŭ raspracoŭcy MUS, u tym liku ab stanie spraŭ pa baraćbie z arhanizavanaj złačynnaściu i karupcyjaj.