Pucin asabista vystupiŭ suprać trybunała pa Boinhu
Prezident Rasii Uładzimir Pucin padčas telefonnaj razmovy z premjer-ministram Niderłandaŭ Markam Rute vykazaŭsia suprać stvareńnia mižnarodnaha trybunała nakont źbitaha ŭ lipieni minułaha hoda nad Ukrainaj «Boinha-777». Pra heta paviedamlaje ŭ čaćvier, 16 lipienia, pres-słužba Kramla.
«Prezident Rasii padrabiazna rastłumačyŭ rasijskuju pazicyju adnosna dačasnaści i kontrpraduktyŭnaj inicyjatyvy šerahu krain, uklučajučy Niderłandy, pa ŭtvareńni mižnarodnaha trybunała dla kryminalnaha pieraśledu asob, adkaznych za źniščeńnie małajzijskaha avijałajniera», — havorycca ŭ paviedamleńni na sajcie Kramla.
Na sajcie Kramla taksama paviedamlajecca, što rasijski prezident zaklikaŭ dla pačatku zaviaršyć usiebakovaje rasśledavańnie katastrofy. Pucin taksama nazvaŭ «niedapuščalnymi» ŭkidy roznych nieaficyjnych viersij ŭ ŚMI.
Za stvareńnie trybunała pa katastrofie małazijskaha «Boinha» va Ukrainie vystupali raniej Aŭstralija i Małajzija. Rezalucyju padtrymali delehacyi Aŭstralii, Niderłandaŭ, Bielhii i Ukrainy.