Va ŭhodki Hrunvalda: u sieradu BATE startuje ŭ Lizie čempijonaŭ
U sieradu barysaŭski BATE startuje ŭ futbolnaj Lihi čempijonaŭ siezona 2015/2016. U matčy 2-ha kvalifikacyjnaha raŭndu barysaŭcam budzie supraćstajać 10-razovy čempijon Irłandyi «Dandałk». Matč projdzie na «Barysaŭ-Arenie» i pačniecca ŭ 20:30. Hulnia ŭ adkaz — 22 lipienia.
Hałoŭny trenier BATE Alaksandr Jermakovič nie bačyć pryčyn dla tryvohi pierad startam kvalifikacyi kamandy ŭ Lizie čempijonaŭ. Ab hetym jon zajaviŭ 14 lipienia na pres-kanfierencyi na «Barysaŭ-Arenie», paviedamlaje BiełaPAN.
fcbate.by
«Jość niekatoraje pieradmatčavaje chvalavańnie, ale vieru ŭ kamandu. Asablivych pryčyn dla tryvohi nie baču, u čempijanacie krainy spravy iduć niadrenna, znachodzimsia ŭ aptymalnym stanie pierad čarhovym jeŭrakubkavym startam. Za apošnija siem hadoŭ my čatyry razy hulali ŭ hrupavoj stadyi Lihi čempijonaŭ (pieršy raz kłub vyjšaŭ u 2008-m). Spadziajemsia i sioleta tudy prabicca. Ale spačatku treba pieraadoleć startavy barjer», — zajaviŭ Jermakovič.