Dziadźka Domračavaj prakamientavaŭ čutki pra jaje raman z Bjorndalenam
Dziadźka trochrazovaj alimpijskaj čempijonki Darji Domračavaj Mikałaj Minin raspavioŭ pra chvarobu bijatłanistki i mierkavanyja terminy viartańnia spartsmienki ŭ stroj, a taksama prakamientavaŭ čutki pra chutkaje viasielle sa znakamitym narviežcam Bjorndalenam.
biathlon.by
— Kryzis prajšoŭ, ale ŭsia biada ŭ tym, što chvaroba nakładvaje abmiežavańnie na niekatory pieryjad. Tamu ciapier Daša adpačyvaje — nijakich trenirovak. Nie vyklučaju, što chvaroba — nastupstva pierahruzak. U kancy lipienia — pačatku žniŭnia Daša budzie prachodzić miedycynski ahlad i ŭžo miedyki vyniesuć vierdykt: ci vierniecca spartsmienka ŭ vialiki sport u chutkim časie, ci treba zrabić paŭzu, kab pabierahčy siabie.
Usio budzie zaležać ad vynikaŭ analizaŭ i testaŭ. Hetaja chvaroba ŭ kožnaha čałavieka prachodzić indyvidualna. Marten Furkad, naprykład, pierachvareŭ i zmoh bolš-mienš narmalna siezon pravieści. A niekatoryja «vylatali» na paŭhoda, kali chvarobu nie ŭsprymali ŭsurjoz. Tamu Daša paabiacała, što sama farsiravać padziei nie budzie.
— Kažuć, što i Bjorndalen niekalki tydniaŭ trenirovak prapuściŭ z-za bakteryjalnaj infiekcyi.
— Całkam mahčyma, tamu što narviežac i Daša treniravalisia razam, a virus pieradajecca pavietrana-kropielnym šlacham. Pahavaryli adzin ź inšym na mietrovaj dystancyi — i hetaha dastatkova, kab padchapić infiekcyju.
— Pra raman Domračavaj i Bjorndalena čutki chodziać užo daŭno. Moža być, niešta čuvać pra viasielle?
— Pra heta Daša nie raskazvaje, a kali i dzielicca niejkimi svaimi asabistymi płanami, to tolki z mamaj.