Pierad uźlotam praviarajcie kryły na najaŭnaść kocikaŭ VIDEA
Lotčyk Ramen Žantot ź lotnaha kłuba ŭ Francuzskaj Hvijanie apublikavaŭ na Youtube videa «Prybiarycie kata pierad uźlotam». Za try dni jano nabrała 11,5 młn prahladaŭ — kot praciahvaje raźlatacca pa internecie.
Žantot z pasažyrkaj lacieli na nievialičkim dvuchmiascovym samalocie. Užo ŭ niebie jany zaŭvažyli na kryle samalota kata — pryjšłosia terminova siadać.
Kata nie zaŭvažyli padčas pravierki samalota pierad vyletam, jon chavaŭsia ŭ siaredzinie kryła. Čamu kot pakinuŭ schovišča ŭžo ŭ niebie, nieviadoma. Lotčyk i pasažyr namahalisia nie ruchacca, kab nie spužać žyviołu.
Palot zaniaŭ mienš za try chviliny. Kot nie paciarpieŭ, na kryle pavodziŭ siabie spakojna i davoli advažna.