Varšaŭskaja «Lehija» cikavicca biełarusam Majeŭskim
Gazeta.pl
Paŭabaronca futbolnaj zbornaj Biełarusi Ivan Majeŭski, jaki pravioŭ hety siezon u składzie polskaha «Zavišy» z Bydhaščy, trapiŭ u śfieru intaresaŭ varšaŭskaj «Lehii».
Pra heta paviedamiła «Našaj Nivie» krynica, blizkaja da staličnaj polskaj kamandy.
Polski vice-čempijon šukaje ŭzmacnieńnia, kab viarnuć sabie tytuł, jaki sioleta byŭ zajavany poznańskim «Lecham».
Krynica taksama paviedamiła «NN», što cikavaść da biełaruskaha hulca prajaviła mienavita kiraŭnictva varšaŭskaha kłuba. Papiarednie paviedamlałasia, što Majeŭski moža praciahnuć karjeru ŭ «Pahoni» sa Ščecina, jakaja finišavała na vośmym miescy polskaj «Ekstrakłasy» ŭ minułym siezonie.
U siezonie 2014/2015 Majeŭski pravioŭ 18 matčaŭ u składzie «Zavišy» i zabiŭ 1 hoł. Ale kamanda z Bydhaščy pakinuła vyšejšy dyvizijon Polščy, zaniaŭšy 15 miesca ŭ tablicy.