Sidorski pakaraŭ ministraŭ?
Šerah ministraŭ i kiraŭnikoŭ kancernaŭ pryciahnutyja da dyscyplinarnaj adkaznaści za nievykanańnie prahnoznych pakazčykaŭ za 2007 hod — studzień 2008 hodu
Miž inšym, na apošniaj pres‑kanferencyi ministar ekanomiki Mikałaj Zajčanka nazvaŭ šerah sferaŭ, u jakich nie byli dasiahnutyja zaplanavanyja pakazčyki. Heta rentabelnaść vytvorčaści ŭ pramysłovaści, jakaja skłała 13% suprać zaplanavanych 14,5 %; inflacyja — 12,1 % suprać 8 % zaplanavanych (pryrost rublovaj hrašovaj masy ŭ 2007 hodzie skłaŭ 29,2% i tym samym pieravysiŭ vierchniuju miažu prahnozu); admoŭnaje salda ŭ źniešniehandlovych suviaziach — $2685,3 młn (planavałasia dadatnaje salda ŭ miežach $500‑600młn); niedastatkovy rost abjomu sielskahaspadarčaj pradukcyi i adstavańnie ad planaŭ pavieličeńnia abjomu spažyvieckich tavaraŭ, najpierš charčovych.
Kažučy pra vyniki studzienia 2008 h., ministar adznačyŭ, što pra adstavańnie ad planavych pakazčykaŭ u sfery žyllovaha budaŭnictva — u ekspluatacyju było ŭviedziena 277,6 tys.kv. m žylla, pry hadavym planie 5,2 młn.kv.m. M. Zajčanka taksama kazaŭ pra ciažkuju sytuacyju ŭ ajčynnaj lohkaj i charčovaj pramysłovaści.
Pavodle ahienctva, vymovy atrymali ministry budaŭnictva i architektury, sielskaj haspadarki i charču, pramysłovaści i enerhietyki, a taksama kiraŭniki kancernaŭ «Biellehpram» i «Biełdziaržcharčpram».