Tak, Danmark! Zbornaja Biełarusi jedzie na Jeŭra-2016
Mužčynskaja zbornaja Biełarusi pa handbole (hałoŭny trenier — Juryj Šaŭcoŭ) prabiłasia na čempijanat Jeŭropy pa handbole.
Biełarusy, nahadajem, pieramahli siońnia ŭ Minsku zbornuju Litvy — 31:24.
Ale ŭsio vyrašałasia praź niekalki hadzinaŭ.
Kab siońnia viečaram Bośnija ŭ haściach pieramahła Daniju, to na ČIE pajechała b bałkanskaja družyna. Skandynavy, darečy, harantavali sabie pucioŭku zahadzia i siońniašni matč dla ich byŭ nie nadta važny.
Tym nie mienš Danija vyjhrała z 26:25 (pieršy tajm — 13:14). Biełaruś zaniała ŭ hrupie 2-je miesca i jedzie na kantynientalnaje pieršynstvo.
Vynikovaje stanovišča: Danija — 12, Biełaruś — 6, Bośnija — 4, Litva — 2.
Biełarusy dvojčy vyjhrali ŭ Litvy, dvojčy zhulali ŭničyju z Bośnijaj i prajhrali dva razy Danii.
12-y čempijanat Jeŭropy pa handbole projdzie z 17 pa 31 studzienia ŭ Polščy (Krakaŭ, Urocłaŭ, Sopat, Katavicy, Łodź). U im voźmuć udzieł 16 kamandaŭ.