Načalnik minskaj milicyi asabista praduchiliŭ vykradańnie barsietki ŭ minčanina
Načalnik minskaj milicyi hienierał-major Alaksandr Barsukoŭ asabista praduchiliŭ vykradańnie barsietki z hrašami, bankaŭskimi kartkami, asabistymi dakumientami ŭ zabyŭčyvaha minčanina. Historyja ab hetym raźmieščana siońnia na sajcie HUUS Minharvykankama.
guvd.gov.by
Barsietku mužčyna zabyŭsia ŭ handlovaj cialežcy kala hipiermarkieta, kali pierahružaŭ pakupki ŭ mašynu.
Praź niekatory čas paśla jaho adjezdu na adno z susiednich miescaŭ pryparkavaŭsia Barsukoŭ. Jon čakaŭ u mašynie svaich pasažyraŭ, nie źviartajučy asablivaj uvahi na pakinutyja pobač cialežki.
Zatoje na ich źviarnuŭ uvahu niejki čałaviek, jaki prachodziŭ mima. Mužčyna schapiŭ barsietku, schavaŭ jaje za pazuchu i kinuŭsia ŭciakać, čym vyklikaŭ padazreńnie.
Zatrymać vykradalnika Barsukovu ŭdałosia za miežami stajanki.
Na pytańnie pra barsietku i jaje źmieściva zrazumiełaha adkazu načalnik HUUS nie atrymaŭ. Jon źviazaŭsia ź dziažurnaj čaściu, kab na miesca prysłali najbližejšy milicejski narad.
Pra zabytuju ž u mahazinnaj cialežcy barsietku jaje ŭładalnik daviedaŭsia tolki ad apieratyŭnaha dziažurnaha Frunzienskaha RUUS, jaki pazvaniŭ jamu i raskazaŭ, što viartańniu straty pasadziejničaŭ mienavita načalnik minskaj milicyi. Vykazać udziačnaść Barsukovu minčanin prychodziŭ u HUUS.