VPS Finlandyi ŭpieršyniu za 70 hadoŭ praviaduć trenirovačnyja bambardziroŭki
Vajenna-pavietranyja siły Finlandyi praviaduć vučeńni bambavikoŭ, jakija skinuć sapraŭdnyja bomby na naziemnyja mety na terytoryi krainy ŭpieršyniu za apošnija 70 hadoŭ.
Pra heta zajaviŭ pałkoŭnik VPS Finlandyi Jary Mikanien, paviedamlaje Newsweek.
F-18 Hornet VPS Finlandyi, Getty Images
Vučeńni praciahnucca dva tydni. U ich voźmuć udzieł bambaviki F-18 Hornet. Pa słovach Mikaniena, vučeńni nie buduć źviazanyja z manieŭrami NATA Arctic Challenge, a taksama vučeńniami Aljansu, jakija praciahvajucca ŭ Bałtyi.
Vučeńni z adpracoŭkaj bambavańniaŭ prachodziać jak častka prahramy abnaŭleńnia VPS Finlandyi, apošniaja faza jakoj pačałasia ŭ 2010 hodzie.
«Na dadzieny momant krychu bolš za pałovu našaha fłotu abnaviłasia. Tak što heta dobry momant dla nas, kab pravieryć mahčymaści našych rakiet i sistem SPA», — skazaŭ Mikanien.
Pavodle jaho słoŭ, buduć skinutyja bomby na palihonie blizu horada Ravajervi ŭ Łapłandyi.
Finlandyja, jakaja nie ŭvachodzić u skład NATA, u apošni čas aktyŭna ŭdzielničaje ŭ vajennych vučeńniach NATA ŭ suviazi z ahresiŭnaj palitykaj Rasii.