Kvintesiencyja kino 80-ch: na Youtube vyjšła «Kun-fu lutaść» VIDEA
Adzinaborstvy, sinty-pop, transformiery, vandroŭki ŭ časie, Hitler, vikinhi, dynazaŭry…
Šviedskaja kinastudyja LaserUnicorns apublikavała dla volnaha prahladu film «Kun-fu lutaść», stylizavany pad bajeviki 80-ch hadoŭ.
Paŭhadzinny film nie sprabuje być surjoznym: naadvarot aŭtary namahalisia sabrać usie štampy z kłasiki kino 80-ch i «B-movies» taho času.
Palicyjant z Majami pa imi Kun Fjury (Kung Fury) — adziny ŭ śviecie, chto viedaje samy nabiaśpiečny vid kun-fu. Jaho kaleh zabivaje kun-fu-Hitler, jaki pieramiaściŭsia ź minułaha. U pahoni za im Kun Fjury trapić da vikinhaŭ, jakija zmahajucca z dynazaŭrami, što stralajuć łazieram z vačej.
Kali siužet zdajecca vam šalenstvam, pryhadajcie, što zdymaŭ Halivud u 1980-ja, a toje i ŭ 90-ja. Chiba nie kožny elemient ci epizod «Kun-fu lutaści» ŭžo traplaŭ na vialikija ekrany ci naŭprost na kasiety. Ciapier usio heta sabranaje ŭ adnoj niadoŭhaj stužcy dy z sučasnymi śpiecefiektami.
Hałoŭnuju rolu ŭ filmie vykanaŭ Devid Chesieldorf, viadomy pa sieryi filmaŭ «Rycar daroh» dy sieryjale «Rataŭniki Malibu. Taksama jon śpieŭ u klipie «True Survivor» na hałoŭnuju temu filma.
Biudžet filma skłaŭ 630 tysiač dalaraŭ. Hrošy na jaho sabrali z narodnych achviaravańniaŭ na Kickstarter, pry hetym sabrana było ŭ try razy bolš za minimalnuju nieabchodnuju sumu.