Vyznačylisia finalisty konkursu «Zaśpiavaj 2.0» AŬDYJO
Žury nazvała imiony vykanaŭcaŭ, jakija trapili ŭ finał konkursu «Zaśpiavaj 2.0». Mienavita hetyja artysty majuć mahčymaść vystupić užyvuju na kancertach prajektu i atrymać hrašovy pryz da 1000 jeŭra.
Pierad siabrami žury stajała zadača – nazvać pa šeść vartych uvahi kankursantaŭ u naminacyi «Kaver» i «Paezija».
U žury ŭvajšli: muzyki Ihar Varaškievič («Krama»), Valery Dajnieka («Biełaruskija Pieśniary») i Aleh Chamienka («Pałac»), paety Adam Hłobus i Vital Ryžkoŭ, kulturołah Maksim Žbankoŭ, žurnalistka Taćciana Zamiroŭskaja i pradstaŭniki arhkamitetu konkursu — Pavał Bierahovič (kiraŭnik fondu «Viartańnie»), Nina Šydłoŭskaja (kaardynatar kampanii «Budźma biełarusami!») i Siarhiej Budkin (pradziusar konkursu, hałoŭny redaktar partału Tuzin.fm).
U naminacyi «Kaver» aceńvałasia pieradusim nie adpaviednaść kaver-versii aryhinału i navat nie stolki vakalnyja i techničnyja mahčymaści vykanaŭcaŭ, kolki šyrynia tvorčaha myśleńnia i stupień prasiaknieńnia abranym śpieŭnym materyjałam. Źviartałasia ŭvaha na ŭmieńnie pieražyć jaho nanoŭ, na zdolnaść padać viadomuju pieśniu pa-novamu ŭ pierakładańni na svaju asobu i nadać viadomamu tvoru inšaje aktualnaje hučańnie. Vitalisia taksama apraŭdanyja ekśpierymienty z muzyčnymi stylami i samoj formaj tvoru.
Takim čynam, pavodle rašeńnia žury šaściorka hałoŭnych pretendentaŭ u hetaj naminacyi vyhladaje takim čynam (u ałfavitnym paradku):
Dadatkova žury adznačyła jašče Taniu Matarykinu ź pieśniaj «Z ranku da nočy» (kaver na Irynu Darafiejevu) i hurt «Kolir» z kaveram na hurt Naka. U lik lepšych taksama patrapiła K3tyvana, jakaja dasłała na konkurs biełaruskamoŭny kaver na pieśniu Adele «Skyfall». Heta piarečyła praviłam (razhladalisia tolki kavery na biełaruskich vykanaŭcaŭ), ale niekatoryja siabry žury ŭklučyli jaje ŭ svaje šort-listy. Asobnym čynam žury adznačyła taksama samuju maładuju kankursantku – 5-hadovuju Kiru Patapčuk, jakaja vykanała «Kupalinku».
U naminacyi «Śpiavanaja paezija» źviartałasia ŭvaha jak na abrany tekst, tak i na jaho aryhinalnuju muzyčnuju padaču, na harmaničnaje spałučeńnie muzyki i słova. Žury adznačaje, što tut ahulny ŭzrovień kankursantaŭ byŭ kudy vyšej, čym u naminacyi «Kaver».
Šaściorka lepšych u hetaj naminacyi vyhladaje nastupnym čynam (u ałfavitnym paradku):
Dadatkova byli adznačanyja taksama Bigi ź pieśniaj «Litary» (słovy Alesia Płotki), Dźmitryj Nikanovič ź pieśniaj «Klučy» (słovy Mikity Najdzionava) i Luba Ruženka ź pieśniaj «Adam i Maryla» (słovy Valanciny Akołavaj).
Takim čynam, mahčymaść vystupić užyvuju u miežach konkurosu «Zaśpiavaj 2.0» atrymali 12 kankursantaŭ:
GreenPills, Valeryja Dele, Maze, Navi, Symphorine, Jaŭhien Ciarencieŭ, Vegatables, Maryna Viarenič, «Kolir», Piotra Klujeŭ, Paulinie, a taksama K3tyvana (pa-za konkursam).
U vypadku, kali niechta z abranych kankursantaŭ nie zmoža vystupić, takuju mahčymaść atrymaje niechta z šerahu aznačanych pa-za šaściorkaju. Pieršyja na čarzie tut Bigi, Dźmitryj Nikanovič, Tania Matarykina, Luba Ruženka.
Kancerty finalistaŭ «Zaśpiavaj 2.0» buduć prachodzić ciaham usiaho leta na terasie kaviarni Chill Out na płoščy Svabody ŭ Minsku užyvuju pry padtrymcy viadomych muzykaŭ. Svaju papiaredniuju zhodu na ŭdzieł užo dali hurty «Pałac», «Krama», «Kryvi», HandMade, Nasta Špakoŭskaja, Juryj Nieściarenka dy inšyja. Raskład pieršych vystupaŭ budzie abvieščany paśla ŭzhadnieńnia dataŭ z vystupoŭcami.
Pieramožcy konkursu «Zaśpiavaj 2.0» buduć nazvanyja paśla sieryi letnich kancertaŭ na finalnym hała-kancercie prajektu.