Hrodzienskija zaŭziatary sabrali 600 tys. rubloŭ dla lehijaniera z Kamieruna
Hrodzienski futbolny kłub anijak nie moža vyzvalicca ad finansavych prablem. Hrošy na padtrymku futbalistaŭ, jakim zatrymlivajuć zarobki, źbirajuć užo zaŭziatary.
Jašče pierad startam sioletniaha čempijanatu kiraŭnictva pačało viartać vielizarnyja pazyki, u jakija patrapiŭ kłub.
Z pazykami raźličylisia, ale voś na zarobki novym hulcam hrošaŭ nie chapaje. Paśla čarhovaj parazy «žoŭta-zialonych» kamanda mieła vielmi surjoznuju razmovu z hrodzienskimi zaŭziatarami. Razmova doŭžyłasia kala 15 chvilin. Za hety čas fanaty daviedalisia, što futbalistam u čarhovy raz nie płaciać hrošy.
A na pytańnie: «Što robić lehijanier ŭ kamandzie?», futbalisty adkazali, što kamieruniec Biebiej atrymaŭ tolki 1 młn. za ŭvieś čas svajho znachodžańnia ŭ «Niomanie».
Tady fanaty sabrali hrošy na charčavańnie dla Biebieja. Razam atrymałasia kala 600 tys. rubloŭ.