Kamandujučaha paradam 9 maja ŭ Daniecku vyšukvajuć u Rasii za machlarstva
Namieśnik ministra abarony «Danieckaj narodnaj respubliki» Siarhiej Vielikarodny, jaki kamandavaŭ paradam atradaŭ prarasijskich bajevikoŭ na 9 maja ŭ Daniecku, rasšukvajecca ŭ RF pa abvinavačvańni ŭ machlarstvie, śviedčyć infarmacyja aficyjnaha sajta maskoŭskaj palicyi
Uradoviec «narodnaj respubliki» śviatkuje 9 traŭnia i raspaviadaje pra svoj bajavy šlach.
Sam Vielikarodny. hramadzianin RF, nieadnarazova vystupaŭ u ŚMI, raspaviadaŭ, što ŭdzielničaje ŭ vajnie suprać Ukrainy «jašče sa Słavianska». To bok byccam b uvachodziŭ u hrupu pad kiraŭnictvam eks-pałkoŭnika FSB Ihara Hirkina (Strałkova), jaki ŭziaŭ na siabie adkaznaść za raźviazvańnie maštabnych bajavych dziejańniaŭ viasnoj 2014 hoda.
Zhodna ź infarmacyjaj pravaachoŭnych orhanaŭ, ad vyšuku Vielikarodny chavaŭsia ŭ Charkaŭskaj vobłaści.
Paśla taho, jak ukrainskija błohiery i žurnalisty źviarnuli ŭvahu na cikavyja fakty bijahrafii «zmahara za Navarosiju», infarmacyja pra vyšuk była vydalena z sajta maskoŭskaj palicyi. Adnak u kešy Google jana zachavałasia.