Va Ukrainie zahinuli 220 rasijskich sałdat — dakład Niamcova
U bajach na ŭschodzie Ukrainy ŭ žniŭni minułaha i ŭ pačatku hetaha hoda zahinuli nie mienš za 220 rasijskich sałdat. Pra heta havorycca ŭ dakładzie, jaki rychtavaŭ zabity ŭ lutym palityk Barys Niamcoŭ. Dakład «Pucin. Vajna» skončyli jaho paplečniki i ŭ aŭtorak pradstavili publicy.
U dakładzie Niamcova, nad jakim pracavali jaho paplečniki pa partyi RPR-Parnas, žurnalisty, a taksama ekanamist Siarhiej Alaksašanka, śćviardžajecca, što ŭ žniŭni 2014 hoda pad Iłavajskam i ŭ inšych kropkach kanfliktu ŭ Danbasie zahinuli nie mienš za 150 rasijskich sałdat, a ŭ pačatku hetaha hoda ŭ rajonie Debalcava — jašče kala 70 vajskoŭcaŭ rasijskaj armii.
Dakład składzieny na asnovie adkrytych dadzienych i źviestak, atrymanych Niamcovym ad svajakoŭ zahinułych sałdat.
Pa acency Siarhieja Alaksašanki, za dziesiać miesiacaŭ Rasija patraciła na ŭkrainskuju vajnu da 53 miljardaŭ rasijskich rubloŭ (kala 1 młrd dalaraŭ).
Rasijskija ŭłady admaŭlajuć ŭdzieł kadravych vajskoŭcaŭ u vajennym kanflikcie va Ukrainie.