Łukašenka: Ruskaja i biełaruskaja — dźvie našy rodnyja movy
I ruskaja, i biełaruskaja movy źjaŭlajucca rodnymi ŭ Biełarusi, zajaviŭ Alaksandr Łukašenka, vystupajučy z pasłańniem da naroda i parłamienta 29 krasavika.
«Źjavilisia ŭ časy Kosinca (Alaksandr Kosiniec u 2008—2014 hadach uznačalvaŭ Viciebski abłvykankam) nie to ŭ Viciebskaj vobłaści, nie to jašče dzieści, dziejačy, jakija nas paprakajuć, što na darohach źjavilisia nadpisy na biełaruskaj movie», — skazaŭ kiraŭnik dziaržavy. Pry hetym jon adznačyŭ, što jašče z savieckich časoŭ nazvy nasielenych punktaŭ na darohach Biełarusi pišucca pa-biełarusku. «Dzie na ruskaj, dzie na biełaruskaj, ja navat uvahi hetamu nie nadavaŭ. Nas pačali ŭ hetym paprakać, ale, dazvolcie, u nas jość i rodnaja biełaruskaja mova, i ničoha strašnaha. Heta dźvie našyja rodnyja movy — ruskaja i biełaruskaja, my i tak, i tak pišam», — adznačyŭ Łukašenka.
Jon nahadaŭ, što Biełaruś źjaŭlajecca suvierennaj dziaržavaj, choć «ciesnym čynam źviazana z Rasijaj i ruskim narodam». «Heta naš narod, a my — ich narod, my braty. Ale my chočam žyć u svajoj kvatery ŭ šmatpaviarchovym domie. U vas vialikaja kvatera — pientchaus, a ŭ nas nievialikaja, u adnym domie, ale ŭ svajoj kvatery», — padkreśliŭ kiraŭnik dziaržavy.