Ukrainskija vajskoŭcy sprabavali razzbroić «Pravy siektar»
U aŭtorak vajskoŭcy 25-j i 95-j bryhadaŭ Uzbrojenych sił Ukrainy zabłakavali bazu Dobraachvotnickaha ukrainskaha korpusa «Pravy siektar» i pasprabavali razzbroić bajcoŭ. paviedamiŭ lidar PS i deputat Viarchoŭnaj Rady Dźmitryj Jaraš.
«Naša baza była błakavana bieź nijakich papiaredžańniaŭ padraździaleńniami desantnikaŭ 25-j i 95-j bryhad, razam z braniatechnikaj i ciažkim uzbrojeńniam byli vystaŭlenyja błokpasty maładych, tolki što mabilizavanych žaŭnieraŭ. Jany spynili adnu z našych mašyn i patrabavali ad bajcoŭ zdać zbroju», — skazaŭ Jaraš.
«Ja daŭ zahad usim padpraździaleńniam Pravaha siektara zbroju nie zdavać. Nam nichto nie moža zabaranić abaraniać našu ziamlu i bicca z rasijskimi ahresarami. Ale i nie paddavacca na pravakacyi», dadaŭ jon.
Jaraš paviedamiŭ, što źviazaŭsia z kamandvańniem desantnikaŭ, pobač ź jakimi PS vajavaŭ apošni hod.
«Bajavyja kamandziry harantavali mnie, što jany nie paviernuć zbroju suprać svaich bratoŭ z «Pravaha siektara», — skazaŭ jon.
«Ščyra dziakuju Bratam pa zbroi — Desantnikam — za razumieńnie situacyi. Niezvažajučy na žadańnie mnohich vorahaŭ Ukrainy sutyknuć dobraachvotnikaŭ i armiejcaŭ, upeŭnieny, što ŭ ich ničoha nie vyjdzie», - napisaŭ taksama Jaraš u svaim błohu ŭ Facebook