ES vydzielić Ukrainie 70 młn jeŭra dla Čarnobyla
Jeŭrasajuz maje namier vydzielić 70 młn jeŭra dla budaŭnictva achoŭnaj kanstrukcyi nad sarkafaham razburanaha čaćviortaha enierhabłoka Čarnobylskaj AES.
Pra heta na pres-kanfierencyi pa vynikach samitu Ukraina-ES zajaviŭ prezident Jeŭrakamisii Žan-Kłod Junkier.
«Ja paviedamlaju prezidentu Ukrainy, što Jeŭrapiejskaja kamisija płanuje pradastavić jašče 70 młn jeŭra, kab dapamahčy z pytańniami, źviazanymi z budaŭnictvam achoŭnaj kanstrukcyi ŭ Čarnobyli», — skazaŭ Junkier.
Raniej namieśnik kiraŭnika prajekta pa budaŭnictvie achoŭnaj kanstrukcyi Viktar Zaliziecki paviedamiŭ, što dla jaje zaviaršeńnia nieabchodna jašče kala 500 młn jeŭra.