Jeŭrasajuz pierahladaje palityku susiedstva
Palityka ES stanie bolš hnutkaj.
Jeŭrapiejskaja palityka susiedstva (JEPS) ujaŭlaje saboj vyklučnaje prava Jeŭrasajuza i jaho partnioraŭ vyrašać suvierennym čynam, jak jany chočuć budavać svaje adnosiny, adznačajecca ŭ zaklučeńniach, pryniatych u paniadziełak u Luksiemburhu Savietam ES pa zamiežnych spravach.
«Saviet padkreślivaje važnaść asablivych adnosin z susiedziami ES, jakija pavinny być jak maha bolš efiektyŭnymi z metaj raspracoŭki ahulnaj prastory stabilnaści, biaśpieki i roskvitu», — skazana ŭ pastanovie kiraŭnikoŭ MZS krain Jeŭrasajuza.
Ministry zamiežnych spraŭ ES pakazali na nieabchodnaść pracavać nad pierahladam jeŭrapiejskaj palityki susiedstva z metaj zabieśpiačeńnia adekvatnaj asnovy dla doŭhaterminovych adnosinaŭ z partniorami-ŭdzielnikami JEPS, uzmacniajučy ich palityčnuju častku i zdolnaść reahavać na roznyja vykliki ŭ śfiery susiedstva.
«JEPS nakiravana na raźvićcio demakratyčnaha, stabilnaha i kvitniejučaha susiedstva, zasnavanaha na prychilnaści asnovatvornym kaštoŭnaściam, uklučajučy viaršenstva zakona, abaronu pravoŭ čałavieka i hiendernuju roŭnaść», — skazana ŭ dakumiencie Savieta ES.
Jeŭrapiejskija ministry paćvierdzili čatyry pryjarytetnyja prastory JEPS: dyfierencyjacyju, fokusnaść (uklučajučy, siarod inšaha, biaśpieku, ekanamičnaje raźvićcio i handal, zdarovaje kiravańnie, mihracyju, enierhietyku i pravy čałavieka), hnutkaść i adkrytaść — jakija adlustroŭvajuć asnoŭnyja pryncypy bolš racyjanalnaj palityki susiedstva ŭ adpaviednaści z palityčnymi pryjarytetami i intaresami ES.
Kiraŭniki MZS Jeŭrasajuza padkreślili, što «pierahledžanaja JEPS pavinna ŭličvać intaresy i patrebnaści ES i jaho susiedziaŭ, prychilnaść susiedziaŭ da reformaŭ, uzrovień ambicyj partniorstva, a taksama inšyja vykliki i hieapalityčnuju abstanoŭku».
Saviet ES daručyŭ viarchoŭnamu pradstaŭniku Jeŭrasajuza pa zamiežnych spravach i Jeŭrakamisii pradstavić prapanovy pa reformie JEPS na razhlad Savieta vosieńniu 2015 hoda. Jon vitaŭ niadaŭnija kansultacyi z paŭdniovymi partniorami ES, jakija adbylisia ŭ Barsiełonie, i spadziajecca na pośpiech kansultacyj z uschodnimi partniorami ŭ Ryzie ŭ mai.