U Finlandyi piać katoŭ atrymali zvańnie hierojaŭ FOTA
Finskaja Asacyjacyja kotaznaŭcaŭ upieršyniu ŭ historyi dała zvańnie hieroja piaci katam, jakija žyvuć u Finlandyi.
Simba - pieršy kot-hieroj Finlandyi.
Kotki i katy, jakija atrymali hanarovaje zvańnie, dapamahli vyratavać čałaviečyja žyćci abo dapamahli paźbiehnuć surjoznych prystupaŭ chvaroby, piša vydańnie yle.fi.
Čaćviora ź piaci uznaharodžanych sioleta hierojaŭ — zvyčajnyja katy biez parody. Uznaharody atrymali Simba z Kotki, Sepi z Vantaa, Mery z Łachci i Kale z Parykała.
Piataja hierainia, karotkapoŭsny aryjentał Pyrpana z horada Rutula - adzinaja parodzistaja kotka ŭ hetaj kampanii.
Viadoma, što rudy Simba vyratavaŭ žyćcio svajho haspadara, jaki pakutuje na dyjabiet. Adnojčy ranicaj jon drapaŭ i kusaŭ haspadara, až pakul jon nie pračnuŭsia i nie pamieraŭ uzrovień cukru ŭ kryvi - stała zrazumieła, kali b kot nie pabudziŭ haspadara, toj by pamior.