U Iraku zabity były paplečnik Chusiejna, vajenačalnik ID
U Iraku, mahčyma, zahinuŭ adzin ź lidaraŭ bajevikoŭ-isłamistaŭ Izat Ibrachim Dury, jaki ŭ svoj čas ličyŭsia pravaj rukoj byłoha prezidenta krainy Sadama Chusejna.
Pavodle aficyjnych paviedamleńniaŭ, jon byŭ zabity ŭ bai z uradavymi vojskami ŭ pravincyi Sałach-ed-Dyn, raźmieščanaj na poŭnač ad Bahdadu.
Telekanał «Al-Arabija» pakazaŭ fatahrafiju, na jakoj byŭ, jak miarkujecca, pakazany trup Izata Ibrachima Dury.
Adnak, jak paviedamlaje ahienctva Rejter, pradstaŭnik byłoj kirujučaj partyi «Baas» zajaviŭ, što hetyja paviedamleńni nie adpaviadajuć rečaisnaści.
Pra śmierć ci aryšt Dury abviaščałasia ŭžo nie raz, tym nie mienš, ciapierašniaje paviedamleńnie pakul što vyklikaje najbolšy davier u pradstaŭnikoŭ presy.