Uziatyja pad vartu kiraŭniki staličnaj budaŭničaj kampanii
Prakuratura Minska sankcyjanavała ŭziaćcie pad vartu dyrektara i kamiercyjnaha dyrektara TAA «Vałyń», paviedamiŭ staršy pamočnik prakurora horada Siarhiej Bałašaŭ.
Kampanija buduje žyły dom u miežach vulic Vałhahradskaja, Karalenki, Vatucina i Kutuzava ŭ stalicy.
Pavodle infarmacyi Kamiteta dziaržaŭnaha kantrolu, 19 sakavika na pryjomie hramadzian da staršyni KDK Leanida Anfimava źviarnulisia pradstaŭniki inicyjatyŭnaj hrupy dolnikaŭ TAA «Vałyń». Z 2009 hoda hetaje tavarystva buduje žyły dom, adnak na siońnia dom hatovy tolki na 6%. Srodkaŭ dla dalejšaha budaŭnictva kampanija nie maje, prytym što, pavodle infarmacyi dolnikaŭ, imi było sabrana bolš za 70% ad nieabchodnaj sumy. Anfimaŭ daručyŭ bolš detalova razabracca ŭ hetaj situacyi, u tym liku z udziełam rabotnikaŭ departamienta finansavych rasśledavańniaŭ KDK.
Departamient raspačaŭ u dačynieńni da kiraŭnikoŭ firmy spravu na padstavie č. 4 art. 210 KK (kradziež šlacham złoŭžyvańnia słužbovymi paŭnamoctvami ŭ asabliva bujnym pamiery). Jany byli zatrymanyja 13 krasavika.