Va Ukrainie zabaroniena savieckaja i kamunistyčnaja simvolika: za paŭhoda ŭsio pierajmienujuć
Lenin u Kramatorsku (Danbas).
9 krasavika Viarchoŭnaja Rada Ukrainy pryniała zakon ab asudžeńni kamunistyčnaha i nacyjanał-sacyjalistyčnaha režymaŭ. Jon zabaraniaje publičnaje vykarystańnie simvoliki takich režymaŭ, abaviazvaje pierajmienavać źviazanyja ź imi arhanizacyi i handlovyja marki.
Zakon ustupaje ŭ siłu z dnia, nastupnaha za dniom jaho aficyjnaha apublikavańnia.
Jak ukazana ŭ zaklučnych i pierachodnych pałažeńniach, jurydyčnyja asoby, palityčnyja partyi, inšyja abjadnańni hramadzian u vypadku parušeńnia patrabavańniaŭ Zakona abaviazany ciaham adnaho miesiaca z dnia ŭstupleńnia ŭ siłu pryvieści svaje ŭstanoŭčyja dakumienty, najmieńnie i/abo simvoliku ŭ adpaviednaść z novymi patrabavańniami.
Uładalniki znakaŭ dla tavaraŭ i pasłuh, jakija ŭtrymlivajuć simvoliku kamunistyčnaha i / abo nacyjanał-sacyjalistyčnaha (nacysckaha) tatalitarnych režymaŭ, na praciahu 6 miesiacaŭ z dnia ŭstupleńnia ŭ siłu Zakona abaviazany pryvieści takija znaki ŭ adpaviednaść z patrabavańniami.
U vypadku nievykanańnia nazvanych praviłaŭ dziejnaść takich jurydyčnych asob padlahaje spynieńniu va ŭstanoŭlenym zakonam paradku, za vyklučeńniem vypadkaŭ, kali jurasobami pryniaty miery pa vykanańni patrabavańniaŭ Zakona, a niemahčymaść dziaržrehistracyi źmianieńniaŭ abumoŭlena abjektyŭnymi pryčynami.
Zasnavalniki drukavanych ŚMI, jakija ažyćciaŭlali prapahandu kamunistyčnaha i / abo nacyjanał-sacyjalistyčnaha (nacysckaha) tatalitarnych režymaŭ i / abo vykarystoŭvali ŭ naźvie simvoliku režymaŭ, abaviazany spynić ažyćciaŭleńnie takoj prapahandy i / abo ažyćciavić pierarehistracyju drukavanaha srodku masavaj infarmacyi. Zasnavalniki takich ŚMI vyzvalajucca ad vypłaty rehistracyjnaha zboru za pierarehistracyju.
U vypadku nievykanańnia zasnavalnikami drukavanych ŚMI na praciahu troch miesiacaŭ z dnia ŭstupleńnia ŭ siłu patrabavańniaŭ dadzienaha Zakona — ich vypusk padlahaje spynieńniu va ŭstanoŭlenym zakonam paradku. Za vyklučeńniem vypadkaŭ, kali zasnavalnikam pryniaty zachady, ale niemahčymaść pierarehistracyi abumoŭlena abjektyŭnymi pryčynami.
Abłasnym, haradskim, rajonnym dziaržaŭnym administracyjam, orhanam miascovaha samakiravańnia ŭ 6-miesiačny termin z dnia ŭstupleńnia ŭ siłu dadzienaha Zakona va ŭstanoŭlenym paradku nieabchodna ažyćciavić demantaž pomnikaŭ, pamiatnych znakaŭ, pryśviečanych asobam, jakija majuć dačynieńnie da arhanizacyi i ažyćciaŭleńniu Haładamoru 1932-33 hadoŭ va Ukrainie, palityčnych represij, asobam, jakija zajmali kirujučyja pasady ŭ kampartyi, vyšejšych orhanach ułady i kiravańnia SSSR, USSR, inšych savieckich respublik (za vyklučeńniem asob, dziejnaść jakich była ŭ značnaj miery źviazana z raźvićciom ŭkrainskaj navuki i kultury), rabotnikam savieckich orhanaŭ dziaržbiaśpieki, padziejam, źviazanym ź dziejnaściu kampartyi, ustalavańniem savieckaj ułady na terytoryi Ukrainy abo ŭ asobnych administracyjna-terytaryjalnych adzinkach, baraćbie suprać udzielnikaŭ baraćby za niezaležnaść Ukrainy ŭ XX stahodździ.
Taksama va ŭstanoŭlenym paradku nieabchodna pierajmienavać rajony ŭ haradach, skviery, bulvary, vulicy, zavułki, spuski, prajezdy, praśpiekty, płoščy, płoščy, nabiarežnyja, masty, inšyja abjekty tapanimiki nasielenych punktaŭ, a taksama inšyja hieahrafičnyja abjekty, nazvy jakich utrymlivajuć u sabie simvoliku tatalitarnaha kamunistyčnaha režymu.
U 6-miesiačny termin z dnia ŭstupleńnia ŭ siłu Zakona dziaržadministracyi i miascovaje samakiravańnie va ŭstanoŭlenym paradku pavinny pravieści hramadskija słuchańni i pradstavić na razhlad Viarchoŭnaj Rady prapanovy ab pierajmienavańni nasielenych punktaŭ, rajonaŭ i abłaściej, nazvy jakich utrymlivajuć u sabie simvoliku tatalitarnaha kamunistyčnaha režymu.
Paśla hetaha Viarchoŭnaja Rada ŭ 3-miesiačny termin prymaje rašeńnie ab pierajmienavańni. U vypadku, kali prapanovy pa pierajmienavańni nie byli padadzienyja ŭ Radu, to adpaviednaje rašeńnie prymajecca deputatami na padstavie rekamiendacyj Ukrainskaha instytuta nacyjanalnaj pamiaci.