Starych muža i žonku znajšli zabitymi va Ušackim rajonie
Śledčyja vyśviatlajuć abstaviny hibieli siamiejnaj pary va Ušackim rajonie, paviedamlaje pres-słužba Śledčaha kamiteta.
sk.gov.by
U pryvatnym domie 2 krasavika znojdzieny trupy 75-hadovaha mužčyny i 77-hadovaj žančyny sa šmatlikimi cialesnymi paškodžańniami. Pra śmierć muža i žonki stała viadoma ad svajakoŭ, jakija zaniepakoilisia paśla taho, jak tyja nie vychodzili na suviaź.
Dla vyśviatleńnia abstavin na miesca zdareńnia vyjechali śledčyja ŭpraŭleńnia Śledčaha kamiteta pa Viciebskaj vobłaści i supracoŭniki UUS Viciebskaha abłvykankama.
Zbor dakazalnaj bazy i acenka kanfiskavanych materyjalnych śladoŭ praciahvalisia ŭsiu noč. Ahlad miesca zdareńnia rabiŭsia z vykarystańniem mahčymaściaŭ pierasoŭnaj kryminalistyčnaj łabaratoryi, adznačajecca ŭ paviedamleńni.
Pracu na miescy zdareńnia kaardynavaŭ načalnik USK pa Viciebskaj vobłaści Uładzimir Šałuchin.
U vyniku praviadzieńnia kompleksu śledčych i pracesualnych dziejańniaŭ razhladajucca ŭsie mahčymyja viersii, kožnaja ź jakich patrabuje pilnaj pravierki.
Pry hetym, kali sychodzić ź situacyi karciny i kanfiskavanych rečyŭnych dokazaŭ, u jakaści asnoŭnaj razhladajecca viersija, što śmierć muža i žonki źviazana z abvastreńniem mižasabistych adnosin u siamiejnaj pary.
Śledčyja praciahvajuć pracu pa adnaŭleńni karciny trahiedyi, vyjaŭlajuć pryčyny i ŭmovy, što pryviali da ździajśnieńnia złačynstva, havorycca ŭ paviedamleńni pres-słužby SK.