Soras hatovy inviestavać va Ukrainu 1 młrd dalaraŭ
Amierykanski miljarder i finansist, zasnavalnik fondu «Adradžeńnie» Džordž Soras hatovy inviestavać va Ukrainu 1 młrd dalaraŭ, kali zachodnija krainy dapamohuć z pryvatnymi inviestycyjami.
Pra heta jon zajaviŭ u intervju aŭstryjskaj haziecie Der Standard.
«Ja hatovy (inviestavać va Ukrainu). Jość kankretnyja inviestycyjnyja idei, naprykład, u sielskuju haspadarku i infrastrukturnyja prajekty. Ja b ukłaŭ 1 młrd dał. Heta pavinna prynieści prybytak. Moj fond budzie mieć vyhadu ad hetaha», — zajaviŭ Soras.
Jon dadaŭ, što zachad moža dapamahčy Ukrainie šlacham pavyšeńnia pryvabnaści dla inviestaraŭ.