Biełaruskaja Vikipiedyja abviaściła konkurs artykułaŭ «Viki Viasna»
Pieramožcy buduć vyznačanyja ŭ červieni.
Ciaham troch miesiacaŭ viasny ŭ Vikipiedyi prachodzić konkurs artykułaŭ pra krainy centralnaj i ŭschodniaj Jeŭropy «Viki Viasna».
U konkursie ŭdzielničajuć dva biełaruskija raździeły Vikipiedyi (kłasičnym i aficyjnym pravapisami). Raździeł kłasičnym pravapisam na siońnia prymaje bolš aktyŭny ŭdzieł.
Arhanizacyja Fałanster, adzin z prajektaŭ jakoj nakiravany na raźvićcio biełaruskaj Vikipiedyi («Vikifikacyja»), zabiaśpiečvaje pryz samamu aktyŭnamu ŭdzielniku.
Ideja konkursu — pašyryć infarmacyju pra krainy rehijonu, pryciahnuć uvahu da asablivaściaŭ hetych krain, pavialičyć kamunikacyi pamiž aktyŭnymi vikipiedyjnymi redaktarami.
Aktyvisty arhanizacyi hatovyja dapamahać chutkaj viki-dapamohaj usim achvočym pryniać udzieł, sudziejničać pa pytańniach pracy ź Vikipiedyjaj i viki-raźmietkaj.
Praviły ŭdziełu ŭ konkursie:
- Aficyjnyja daty praviadzieńnia konkursu: 21 sakavika — 31 traŭnia.
- Dla ŭdziełu treba dadać siabie ŭ tablicu ŭdzielnikaŭ konkursu (u Vikipiedyi kłasičnym abo aficyjnym pravapisam).
- Kožnaj krainie rehijona pryznačajecca tydzień, na praciahu jakoha redaktary ŭsich moŭnych raździełaŭ Vikipiedyi musiać pisać pra jaje.
- Temy artykułaŭ možna abirać lubyja, datyčna toj ci inšaj krainy, ale kožny moŭny raździeł prapanoŭvaje samyja aktualnyja pra svaju krainu.
- Na praciahu červienia buduć padvodzicca vyniki, vyznačacca pieramožcy, łakalna ŭ kožnym moŭnym raździele.
- Mižnarodnyja kaardynatary konkursu vyrašajuć daty i miesca praviadzieńnia Viki Łahiera dla samych aktyŭnych udzielnikaŭ u kancy lipienia.
Pa pytańniach źviartajciesia na falanster.by@gmail.com