Rumynija admaŭlajecca ad rasijskaha hazu
Rumynija ŭ krasaviku sioleta admovicca ad impartu hazu z Rasii, paviedamlajuć u piatnicu rumynskija ŚMI.
Tak, vydańnie Jesonomica adznačaje, što admova ad impartu rasijskaha hazu stała mahčymaj dziakujučy źnižeńniu śpiecyfičnaha spažyvańnia z boku pramysłovaści, a taksama inviestycyjam u enierhaefiektyŭnaść.
«Rumynija ŭpieršyniu za niekalki dziasiatkaŭ hadoŭ zmahła admovicca ad impartu pryrodnaha hazu. U krasaviku 2015 hoda, a taksama niekalkich nastupnych miesiacaŭ patreby nasielnictva buduć całkam pakrytyja za košt unutranych resursaŭ», - paviedamlaje Economica.net.
Ciapier hadavoje spažyvańnie hazu ŭ Rumynii składaje 10-11 miljardaŭ kubamietraŭ, ź jakich 400 miljonaŭ - impartujucca z Rasii. U 2007 hodzie spažyvańnie składała 18 miljardaŭ kubamietraŭ, ź jakich impartavałasia tracina z ahulnaj canoj 4-5 miljardaŭ. Paśla 2007 hoda imparciory hazu tracili na zakupki da 500 miljonaŭ dalaraŭ u hod.
Vydańnie adznačaje, što ŭ ciapierašni momant tysiača kubamietraŭ rasiejskaha hazu kaštuje 380 dalaraŭ suprać 200 dalaraŭ za rumynski haz. Rumynija ŭziała na siabie abaviazacielstvy pierad MVF i Jeŭrasajuzam libieralizavać hazavy rynak da 2018 hoda.