U Kanstancinaŭcy (Danieckaja vobłaść) uspychnuli biesparadki, paśla taho jak vajskovaja mašyna źbiła dzicia
U Kanstancinaŭcy Danieckaj vobłaści łakalizavany biesparadki, jakija ŭźnikli paśla DTZ z udziełam ukrainskich vajskoŭcaŭ, u vyniku jakoha zahinuła 8-hadovaje dzicia, pieradaje kp.ua.
kp.ua
Pra heta paviedamiŭ namieśnik načalnika HU MUS Ukrainy ŭ Danieckaj vobłaści Illa Kiva na svajoj staroncy ŭ «Fejsbuku» viečaram u paniadziełak, 16 sakavika.
«Zaraz zavadatary identyfikavanyja, i biesparadki łakalizavany, milicyja biare pad kantrol situacyju», — napisaŭ jon.
Pry hetym Kiva dadaŭ, što toje, što adbyłosia ŭ Kanstancinaŭcy «nie maje apraŭdańnia i vinavatyja ŭ śmierci dziciaci pavinny być pakaranyja».
«Začynščyk biesparadkaŭ ustalavany, u bližejšy čas jon budzie zatrymany i paŭstanie pierad zakonam», — zapeŭniŭ Kiva.
U paniadziełak, 16 sakavika, braniemašyna z ukrainskimi vajskoŭcami, parušyŭšy praviły darožnaha ruchu ŭrezałasia ŭ natoŭp ludziej, u vyniku zahinuła 8-hadovaja dziaŭčynka, a jaje ciotka atrymała ciažkija traŭmy.
Paśla hetaha kala 100 čałaviek sabralisia kala budynka milicyi, patrabujučy vydačy vinavatych, jany spalili niekalki šynaŭ, vybili šyby, spalili mašynu DAI, a taksama pasprabavali ŭziać šturmam budynak škoły, dzie žyvuć vajskoŭcy. Pad viečar situacyju ŭdałosia łakalizavać.
Rasijskija ŚMI pasprabavali charaktaryzavać situacyju jak «narodnaje paŭstańnie», a «horad u ahni». Pryčym jany spasyłalisia na vydańni i sajty «Navarosii», jakija nie majuć karespandentaŭ u Kanstancinaŭcy