Reuters: Pucin zachvareŭ, voś čamu sustreča z Łukašenkam i Nazarbajevym u Astanie nie adbudziecca
Pavodle źviestak krynicy Reuters, admiena vizitu Pucina ŭ Kazachstan moža być źviazanaja z chvarobaj.
TASS
«Vizit admienieny, padobna, što Pucin zachvareŭ»,— zajaviła krynica ahienctva va ŭradzie Kazachstana, jaki pažadała zastacca nieviadomaj.
Čakałasia, što da pieramovaŭ Pucina i prezidenta Kazachstana Nursułtana Nazarbajeva dałučycca i kiraŭnik Biełarusi. Pakul nieviadoma, ci adbudziecca vizit Alaksandra Łukašenki ŭ Kazachstan.
Lidary dźviuch krain vyrašyli pieranieści sustreču na niekalki dzion, heta ich sumiesnaje rašeńnie, padkreśliŭ u hutarcy z karespandentam RBK pres-sakratar prezidenta Dźmitryj Piaskoŭ.
Pavodle jaho słoŭ, novaja data budzie abjaŭlena paźniej. Kamientavać paviedamleńni ab mierkavanaj chvarobie Pucina jon admoviŭsia. Pytańnie, adkul takija źviestki ŭ Reuters, Piaskoŭ pieraadrasavaŭ da Reuters i admoviŭsia ad dalejšych kamientaroŭ na hetuju temu.
Pres-słužba Nazarbajeva paćviardžaje pieranos sustrečy. «Heta rašeńnie ŭzhodniena prezidentami», — zajaviła pradstaŭnik pres-słužby.