Žycharka Mahilova arhanizavała napad na paštaljona
Pryhavoram suda Kastryčnickaha rajona Mahilova asudžany dvoje mahiloŭcaŭ: 32-hadovy i 28-hadovy, a taksama 36-hadovaja žycharka abłasnoha centra za ŭčynieńnie złačynstva, praduhledžanaha č. 2 art. 206 KK (rabavańnie, spałučanaje z hvałtam, učynienaje hrupaj asob). Dvoje z asudžanych nidzie nie pracujuć.
Jak paviedamiła staršy pamočnik prakurora Mahiloŭskaj vobłaści Ała Kuźniacova, u pačatku maja minułaha hoda abvinavačvanaja, jakaja nidzie nie pracuje i ŭžyvaje narkotyki, prapanavała svajmu pryjacielu abrabavać paštaljona, jaki dastaŭlaje piensiju jaje babuli.
U žančyny-paštaljona, jakoj u tvar u lifcie pyrsnuli hazam, było vykradziena kala 18 młn rubloŭ.
Sud pryznaŭ usich troch vinavatymi va ŭčynienym złačynstvie i ŭ jakaści miery pakarańnia pryznačyŭ kožnamu pa dva hady pazbaŭleńnia voli z adbyvańniem u papraŭčaj kałonii va ŭmovach ahulnaha režymu.
Akramia taho, u dačynieńni da žančyny sud prymianiŭ prymusovaje lačeńnie ad narkamanii, a ŭ dačynieńni da 28-hadovaha mužčyny, jaki niepasredna ŭčyniŭ rabavańnie, — prymusovaje lačeńnie ad chraničnaha ałkahalizmu.