Siarhiej Vahanaŭ. Čatyry kuli, šeść śmiardziučych hilzaŭ…
Čatyry kuli,
Šeść śmiardziučych hilzaŭ,
I cieła, raspaściortaje na fonie
Kramla,
Dzie ŭtaropiŭ zrenki ŭniz
Zabojca, staŭšy što toj car na tronie…
Ni da čaho ŭžo pryhažość manier
I ćmianyja vyhiby łabirynta…
Adlity kuli ŭ SSSR.
Rasija tymi kulami zabita.
Usiaho čatyry…
Šeść śmiardziučych hilzaŭ…
Zusim niašmat, kab vyniščalna-ździekliva
Varjactva strachu vyrvałasia z
Žarały, praź jakoje palić piekła.
Chaŭruśniki, što vylepleny z brudu,
Paŭzuć da tronu zvykłaj kalainaj…
Im nazaŭždy pazastavacca Judami
La cieła raspaściortaje krainy…