Nazvanyja asnoŭnyja viersii zabojstva Barysa Niamcova
Aficyjnyja ŭłady akcentujuć uvahu na niepalityčnych viersijach.
Krynica «Interfaksa» u pravaachoŭnych orhanach, kažučy ab prykmietach zakaznoha charaktaru zabojstva, nahadała, što na 1 sakavika było zapłanavana šeście apazicyi «Viasna».
«Złačynstva moža nasić pravakacyjny charaktar», — ličyć jana. Miž tym, arhanizatary šeścia ŭžo paviedamili, što zamiest jaho adbudziecca žałobnaja akcyja ŭ centry Maskvy.
Jašče adna krynica paviedamiła, što, «biezumoŭna, razhladajucca viersii, źviazanyja z palityčnaj dziejnaściu Niamcova, jaho pracaj na pasadzie deputata Jarasłaŭskaj abłasnoj dumy».
Taksama vyvučajecca viersija ab suviazi zabojstva z pradprymalnickaj dziejnaściu Niamcova. Nie adkidaŭ i viersija, źviazanaja z asabistaj niepryjaznaściu.
Advakat Vadzim Procharaŭ, jaki pradstaŭlaje intaresy siamji Niamcova, raspavioŭ, što palityku niekalki miesiacaŭ tamu pahražali ŭ sacsietkach zabojstvam.
U kancy 2014 hoda pa adnym z takich vypadkaŭ była napisana zajava ŭ palicyju, paviedamiła pamočnica zabitaha palityka ŭ Jarasłaŭskaj abłdumy Volha Vachrina. Reakcyi na zajavu nie było, dadaŭ Procharaŭ. U toj ža čas, pa słovach advakata, pravierka pakazała, što apazicyjanier pierad zabojstvam nie nakiroŭvaŭ u palicyju zajaŭ pra pahrozy ŭ svoj adras. Pa dadzienych Procharava, Niamcovu mahli pahražać na hlebie reŭnaści.