U Babrujsku mužčyna z nažom napaŭ na taksista
U Babrujsku kiroŭca taksi atrymaŭ kołata-rezanyja ranieńni ŭ vyniku napadu na jaho pasažyra z metaj abrabavańnia.
Jak paviedamiła aficyjny pradstaŭnik USK pa Mahiloŭskaj vobłaści Aksana Salaniuk, złačynstva było ŭčyniena viečaram 19 lutaha. «Ustanoŭlena, što 19 lutaha padazrony vyrašyŭ zavałodać hrašovymi srodkami kiroŭcy taksi. Z hetaj metaj jon uziaŭ doma kuchonny nož i adpraviŭsia na stajanku taksi. Vybraŭšy aŭtamabil «Falskvahien-Šaran», padazrony skarystaŭsia pasłuhami taksi i paprasiŭ advieźci jaho na zavułak Hančarny. Dajechaŭšy da miesca, padazrony vybraŭ małaaśvietlenaje biaźludnaje miesca i zapatrabavaŭ spynicca. Paśla hetaha nažom nanios niekalki ŭdaraŭ u hałavu i tułava kiroŭcy, pryčyniŭšy jamu kołata-rezanyja rany», — skazała pradstaŭnik śledstva.
Pavodle jaho słoŭ, kiroŭca akazaŭ złačyncu aktyŭnaje supraciŭleńnie, z-za čaho toj pakinuŭ aŭtamabil i pasprabavaŭ uciačy. «Kiroŭca taksi paviedamiŭ ab zdareńni ŭ milicyju, apisaŭšy prykmiety napadaŭšaha, a taksama samastojna źviarnuŭsia pa miedycynskuju dapamohu ŭ Babrujskuju centralnuju balnicu», — adznačyła Salaniuk.
U chutkim časie padazrony byŭ zatrymany supracoŭnikami Babrujskaha adździeła departamienta achovy niepadalok ad miesca złačynstva. Im akazaŭsia raniej nie sudzimy miascovy žychar 1996 hoda naradžeńnia. U dačynieńni da jaho raspačata kryminalnaja sprava pa artykule «Zamach na zabojstva, spałučanaje z razbojem».