«Rabotnik milicyi sarvaŭ ź mianie majku, zapichvaŭ jaje ŭ rot, zahadvajučy jaje źjeści…»
22 sakavika 2006 h., a 18-j hadzinie, la ŭvachodu ŭ metro «Kastryčnickaja» ja, Usianok Kanstancin Andrejevič, byŭ zatrymany rabotnikami milicyi. Pry zatrymańni milicyjanty nie nazvalisia i pryčynaŭ zatrymańnia nie patłumačyli.
Amonaŭcy pryčapilisia da pryčoski cyrulnika Ŭsianka.
Fota Andreja Lankieviča
- U prakuraturu Centralnaha r-nu Miensku
Usianka Kanstancina Andrejeviča
22 sakavika 2006 h., a 18-j hadzinie, la ŭvachodu ŭ metro «Kastryčnickaja» ja, Usianok Kanstancin Andrejevič, byŭ zatrymany rabotnikami milicyi. Pry zatrymańni milicyjanty nie nazvalisia i pryčynaŭ zatrymańnia nie patłumačyli. Mianie zaviali ŭ furhon specaŭtamabila MAZ, što znachodziŭsia za budynkam Pałacu Respubliki na płoščy «Kastryčnickaja». U furhonie znachodzilisia try rabotniki milicyi ŭ formie pałka milicyi specyjalnaha pryznačeńnia (PMSN) HUUS Mienharvykankamu. Adzin z prysutnych rabotnikaŭ milicyi pačaŭ źbivać mianie, nanosiačy ŭdary ŭ hrudzi. Na maje prośby spynić procipraŭnyja ŭčynki jon nie reahavaŭ, praciahvajučy źbivać. Zatym jon sarvaŭ ź mianie majku, zapichvaŭ jaje ŭ rot, zahadvajučy jaje źjeści. U vyniku ŭ mianie była parvana abroćka jazyka. Usie hetyja ździeki supravadžalisia niecenzurnaj łajankaj i pahrozami. Paśla hety rabotnik milicyi zrabiŭ dahlad maich asabistych rečaŭ, što lažali ŭ sumcy. Znajšoŭ tam instrumenty cyrulnika i spytaŭ mianie, našto jany mnie. Ja adkazaŭ, što rablu cyrulnikam u adnym z salonaŭ Miensku. U adkaz rabotnik milicyi zajaviŭ, što zaraz zrobić stryžku. Jon ŭziaŭ nažnicy i sastryh mnie pasmu vałasoŭ na hałavie. Hetyja ździeki taho rabotnika milicyi čynilisia ŭ prysutnaści inšych milicyjantaŭ, katoryja nijakim čynam nie reahavali na padziei. U mašynie ŭ toj momant taksama znachodzilisia inšyja zatrymanyja. Paźniej mianie dastavili ŭ pamiaškańnie abjadnanaha specyjalnaha prymalnika-raźmierkavalnika HUUS Mienharvykankamu. Pry pastupleńni ŭ specprymalnik ja źviarnuŭ uvahu rabotnikaŭ milicyi na fakt majho źbićcia pradstaŭnikami PMSN, adnak jany admovilisia zafiksavać toj fakt.
Paźniej pastanovaju sudu ja byŭ pryciahnuty da administracyjnaj adkaznaści pavodle č.1 art.167 KoAP i asudžany na 10 sutak.
U adpaviednaści z vyniesienaj sudom pastanovaj, raparty pra majo zatrymańnie byli ŭkładzienyja rabotnikami milicyi A.Voranam i S.Chatamavym. Na sudovaje pasiedžańnie ich nie vyklikali i ŭ jakaści śviedkaŭ nie apytvali. Ja nia peŭny, ci heta mienavita tyja rabotniki milicyi, što mianie zatrymlivali i źbivali i ździekvalisia ź mianie. Tym časam u mianie jość fatahrafija rabotnika PMSP, jaki źbivaŭ mianie.
U źviazku z hetym, kirujučysia Zakonam Respubliki Biełaruś «Ab prakuratury», ja prašu:
1. Inicyjavać prakurorskuju pravierku pryviedzienych mnoju faktaŭ;
2. Raspačać kryminalnuju spravu ŭ dačynieńni da rabotnika milicyi, jaki dapuściŭ pieravyšeńnie słužbovych paŭnamoctvaŭ, i pryciahnuć jaho da praduhledžanaj zakonam adkaznaści;
3. Vydać mnie nakiravańnie na sudova-medyčnuju ekspertyzu.
K.A.Usianok
Siabry Kanstancina Ŭsianka paśpieli sfatahrafavać milicyjantaŭ, jakija jaho zatrymlivali.