Biełaruskija mastaki nia zdoleli trapić u Biełastok na adkryćcio ŭłasnaj vystavy
Čarha na polskuju vizu ŭ Miensku pieravysiła 2000 čałaviek.
Pa kamentar da hetaj sytuacyi my źviarnulisia da mastaka Ryhora Sitnicy.
R. Sitnica: Prablema vielizarnaja, ja j sam ź ciažkaściu atrymaŭ vizu. Jechaŭ pa zaprašeńni «Nivy» na litaraturnyja sustrečy.
Mastakam pry takich prykrych varunkach budzie ciažka ŭdzielničać u zamiežnych vystavach?
R. Sitnica: Vystavy na ŭzroŭni Sajuzu mastakoŭ budziem sprabavać ładzić z dapamohaju ambasadaŭ. A toje, što rabili pryvatna, ja sam taksama rabiŭ pryvatnyja vystavy, dyk heta ŭłasnymi vysiłkami. A prablemy buduć surjoznyja. Darahaja viza, jakaja, da taho ž, nie źniała prablemy vialikich čerhaŭ.
Maršałak Padlaskaha vajavodztva Jarasłaŭ Zyhmund Dvažański, adkryvajučy vystavu ŭ Biełastoku, nie chavaŭ svajho ździŭleńnia tym, što mastaki nia zdoleli pryjechać na adkryćcio. Pavodle jahonaha mierkavańnia, treba jak chutčej dastasavać pracedury vydańnia vizaŭ da patrebaŭ kultury j biznesu.
Kłopat ź vizami ŭžo stvaraje prablemy j navukoŭcam, što spaźniajucca na kanferencyi, i spartoŭcam, jakija nie paśpiavajuć na spabornictvy…
Čarha achvotnych atrymać vizu, kab pierasiačy miažu, ciapier užo Šenhienskaj zony i trapić choć by ŭ Polšču, pieravysiła ŭ Miensku ŭžo 2 tysiačy asobaŭ.