MZS Rasii: Sankcyi ES supiarečać zdarovamu sensu
Rasiejski MZS nazvaŭ niedarečnym i niełahičnym pašyreńnie «čornaha śpisu» Jeŭrasajuza, u jaki trapili dvoje namieśnikaŭ ministra abarony Rasii, deputat Dziarždumy Iosif Kabzon i šerah pradstaŭnikoŭ samaabvieščanych respublik na ŭschodzie Ukrainy.
Jak adznačajecca ŭ kamientary viedamstva, ES nie staŭ analizavać realnyja pryčyny eskałacyi ŭkrainskaha kanfliktu i «znoŭ paličyŭ za lepšaje pajści na pavadku ŭ «partyi vajny» u Kijevie».
«Asabliva niedarečna padobnyja rašeńni vyhladajuć na fonie minskich damoŭlenaściej 12 lutaha, u pracy pa dasiahnieńni jakich udzielničali lidary viadučych krain-členaŭ ES», — havorycca ŭ kamientary.