Na Tydni mody ŭ Ńju-Jorku vystupiła madel ź sindromam Daŭna
Suśvietnyja pakazy ŭžo bačyli madelki «pamieru plus» i madelki stałaha ŭzrostu. Adnak toje, što adbyłosia padčas Tydnia mody ŭ Ńju-Jorku, niesumnienna, uvojdzie ŭ historyju mody.
Na podyumie ŭ Ńju-Jorku źjaviłasia Džejmi Briuer (Jamie Brewer), dziaŭčyny ź sindromam Daŭna. Jana viadomaja pieradusim z rolaŭ u amierykanskim sieryjale «American Horror Story».
«Heta natchniaje, bo ja mahu zaachvočvać inšych dziaŭčat, kab jany pakazali siabie! Heta tyčycca maładych dziaŭčat, ale i žančyn stałaha ŭzrostu. Jany mohuć pahladzieć na mianie i padumać, što jany taksama tak mohuć», – prakamientavała Džejmi paśla šou.