Bili Hrem pra technałohii i vieru VIDEA
Sajt kinakong.by praciahvaje publikavać cikavyja TED videa na biełaruskaj movie.
Na TED kanfierencyi 1998 hoda znakamity prapaviednik Bili Hrem paraŭnoŭvaje sučasnuju technałahičnuju revalucyju z technałahičnaj revalucyjaj cara Davida, a taksama raspaviadaje pra svaje sustrečy z Ejnštejnam, Verneram fon Braŭnam, Konradam Adenaŭeram, Harbačovaj i inšymi hierojami XX stahodździa.
***
TED (abrevijatura ad anhł.: Technology Entertainment Design; Technałohii, zabaŭki, dyzajn) — pryvatny niekamiercyjny fond u ZŠA, viadomy pieršym čynam svaimi štohadovymi kanfierencyjami, jakija pravodziacca z 1984 hoda ŭ Manterei (Kalifornija, ZŠA). Z 2009 hoda prachodzić u Łonh-Bizun (Kalifornija, ZŠA).
Misija kanfierencyi składajecca ŭ raspaŭsiudzie ŭnikalnych idej («ideas worth spreading»), abranyja lekcyi dastupnyja na veb-sajcie kanfierencyi. Temy lekcyj raznastajnyja: navuka, mastactva, dyzajn, palityka, kultura, biźnies, hłabalnyja prablemy, technałohii i zabaŭki. U śpis vystupoŭcaŭ patrapili takija viadomyja asoby, jak były prezident ZŠA Bił Klintan, Nobieleŭskija łaŭreaty Džejms Uotsan, Miurej Hieł-Man, a taksama zasnavalnik Vikipiedyi Džymi Vejłz.