Pan Hi Mun nazvaŭ abstreł Maryupala parušeńniem mižnarodnaha humanitarnaha prava
Hienieralny sakratar AAN Pan Hi Mun asudziŭ rakietny abstreł Maryupala, u vyniku jakoha zahinuli dziasiatki čałaviek i kala sotni atrymali ranieńni.
Pra heta havorycca ŭ zajavie pres-słužby hienieralnaha sakratara. Jon dadaŭ, što biezrazborny abstreł žyłych rajonaŭ źjaŭlajecca parušeńniem mižnarodnaha humanitarnaha prava. «Akramia taho, hienieralny sakratar asudziŭ ŭčorašni adnabakovy vychad lidaraŭ bajavikoŭ z pahadnieńnia ab spynieńni ahniu i asabliva ich pravakacyjnyja zajavy ab namiery zachapić bolš terytoryj. Heta źjaŭlajecca dalejšym parušeńniem ich abaviazacielstvaŭ zhodna ź minskim pahadnieńniam», — zajaviŭ jon.
«Mir, terytaryjalnaja cełasnaść i stabilnaść Ukrainy, nieparyŭna źviazanyja z bolš šyrokim rehijonam, pavinny być nieadkładna adnoŭlenyja», — dadaŭ Pan Hi Mun.
Raniej ES, ZŠA i NATA abvinavacili ŭ abstrełach Maryupala bajevikoŭ i Rasiju.