Hramadzkaść prapanuje abvieścić 2008 hod Hodam biełaruskaj dziaržaŭnaści
8 studzienia adbyłosia pašyranaje pasiedžańnie sustaršyniaŭ Ahulnanacyjanalnaha arhkamitetu pa śviatkavańni 90‑ch uhodkaŭ BNR z udziełam kiraŭnikoŭ palityčnych partyj, ruchaŭ i hramadzkich abjadnańniaŭ.
U zvarotach adznačajecca, što «padrychtoŭka da jubileju i jaho śviatkavańnie pavinny stać padmurkam jadnańnia roznych ruchaŭ, partyj, zhurtavańniaŭ, arhanizacyj, usich hramadzian niezaležna ad palityčnaj aryjentacyi na hruncie pryznańnia pryjarytetami dziaržaŭnaha budaŭnictva nacyjatvornych pytańniaŭ movy, histaryčna śćvierdžanaj simvoliki, svabody i demakratyi».
Arhkamitet źviarnuŭsia «da orhanaŭ ułady krainy z prapanovaj abviaścić 2008 hod — Hodam biełaruskaj dziaržaŭnaści».
U nakiravanych zvarotach da Nacyjanalnaha Schodu i Savieta Ministraŭ Respubliki Biełaruś vykładzienyja nastupnyja prapanovy:
1. Nadać 2008 hodu aficyjny status Hoda biełaruskaj dziaržaŭnaści.
2. Abviaścić 25 sakavika dziaržaŭnym śviatam.
3. Dać aficyjny dazvoł na ŭstalavańnie pamiatnych znakaŭ na budynku teatra imia Janki Kupały ŭ Minsku, dzie prachodziŭ Pieršy Usiebiełaruski kanhres (1917 h.), i budynku, dzie była abvieščana niezaležnaść BNR (Minsk, vuł. Vaładarskaha, 9).
4. Viarnuć u zakanadaŭčaje pole i lehalny hramadski ŭžytak nacyjanalnuju histaryčnuju simvoliku i atrybutyku, jakija ŭ BNR mieli dziaržaŭny status.
5. Ministerstvam kultury i adukacyi Respubliki Biełaruś rekamiendavać ich padviedamasnym ustanovam pravieści ciaham hodu tematyčnyja zaniatki, lektoryi, konkursy, pryśviečanyja Hodu biełaruskaj dziaržaŭnaści.
6. Ministerstvu infarmacyi Respubliki Biełaruś akazać dapamohu vydaviectvam u vydańni navukova‑publicystyčnych i mastackich tvoraŭ, pryśviečanych historyi BNR i jaje dziejačam.
7. Haradskim i rajonnym administracyjam sadziejničać u praviadzieńni ŭračystych schodaŭ i jubilejnych kancertaŭ 25 sakavika 2008 h.
U zvarocie da biełaruskaha narodu Ahulnanacyjanalny arhkamitet zaklikaje «ŭsich hramadzian Respubliki Biełaruś pryniać niepasredny ŭdzieł u padrychtoŭcy i śviatkavańni 90‑ch uhodkaŭ BNR. Kožnaja biełaruskaja siamja — heta cahlinka ŭ hmach biełaruskaj dziaržaŭnaści, heta paŭnapraŭny čyńnik i tvorca jaje sučasnaj historyi».
***
Da momantu stvareńnia pres‑centra Ahulnanacyjanalnaha arhkamitetu pa śviatkavańni 90‑ch uhodkaŭ BNR z pytańniami i prapanovami źviartajciesia: zbsb@lingvo.minsk.by, zbsb@tut.by, (029) 632‑00‑92 (Alena Makoŭskaja), (029) 625‑83‑78 (Nina Šydłoŭskaja).