Patanuŭ na Vadochryšča
19 studzienia, kala 16.00, u vyratavalnuju stancyju «Asvod» pastupiła paviedamleńnie ab tym, što na dnie studni ŭ vioski Miadziničy znajšli zahinułaha mužčynu.
Na miesca trahiedyi prybyli rabotniki vyratavalnaj stancyi «Asvod» i supracoŭniki MNS.
«Cieła mužčyny płavała na pavierchni. Chacia tam i było 1,6 mietra vady, čałaviek nie pajšoŭ na dno z-za vialikaj kolkaści adzieńnia na im», — raspavioŭ načalnik Baranavickaj vyratavalnaj stancyi savieta OSVOD Alaksandr Mudroŭ.
Hłybinia kałodzieža składała 11 mietraŭ. Kab dastać zahinułaha, supracoŭniki MNS pastavili ŭ kałodziež leśvicu, pa jakoj spuściŭsia vadałaz. Jon abviazaŭ cieła zahinułaha, paśla čaho jaho padniali navierch.
Pryčyna trahiedyi vyśviatlajecca.
Alaksandr Mudroŭ adznačyŭ, što z pačatku hoda heta ŭžo druhi vypadak u Bresckaj vobłaści, kali ŭ studniach hinuć ludzi.