Kiraŭnik Nacbanka Ukrainy atrymlivaje zarobak u 625 dalaraŭ
Staršynia Nacyjanalnaha banka Ukrainy Valeryja Hontarava atrymlivaje zarobak 10 tys. hryŭniaŭ [pa kursie Nacbanka Biełarusi 9,39 młn biełaruskich, ci 625 dalaraŭ — NN] i niezadavolena im.
Pra heta Hontarava zajaviła padčas vystupu ŭ siesijnaj zale Viarchoŭnaj Rady Ukrainy.
Tak, na pytańnie deputata, jaki ŭ jaje zarobak, Hontarava adkazała, što taki, jaki vyznačyli dla rabotnikaŭ biudžetnaj śfiery.
«Vy (nardepy) zamarozili zarobak (kiraŭnika NBU) na ŭzroŭni 7-mi minimalnych zarobkaŭ. Moj zarobak 10 tysiač hryŭniaŭ u miesiac. Ja nie zhodna z takim uzroŭniem zarobku. Nie zhodnyja ź im i maje namieśnik, dyrektary departamientaŭ, rada NBU … My spadziajemsia, što Rada źmienić pamiery našych zarobkaŭ», — zajaviła Hontarava.