U Rečycy zatrymany zajaŭnik mitynhu 10 studzienia
Aleha Šabietnika abvinavacili ŭ niecenzurnaj łajancy.
U Rečycy milicyja zatrymała aktyvista pradprymalnickaha ruchu Aleha Šabietnika. Jon byŭ adnym z zajaŭnikaŭ mitynhu pradprymalnikaŭ 10 studzienia.
Aleh Šabietnik paśpieŭ paviedamić «Svabodzie», što jaho zatrymali padčas razmovy pa telefonie. Da jaho padjechaŭ milicejski «varanok», i adtul vyjšli milicyjanty. Jany paprasili Šabietnika prajechać ź imi dla razmovy. U pastarunku milicyi jaho abvinavacili ŭ niecenzurnaj łajancy na vulicy.
Jość śviedka, čałaviek, jaki razmaŭlaŭ z Aleham pa telefonie i čuŭ, jak milicyjanty kazali surazmoŭcu, što im treba advieźci jaho ŭ pastarunak.
Padčas razmovy z karespandentam Radyjo Svaboda, milicyjanty paviedamili Šabietniku, što jon maje status administracyjna zatrymanaha i tamu zabrali ŭ jaho mabilny telefon.