WZ-Orkiestra Źmitra Vajciuškieviča syhraje najlepšaje za 15 hadoŭ
U miežach prajektu «Žyvy Tuzin» hurt Źmitra Vajciuškieviča zładzić jubilejny kancert u kłubie «Piraty».
Na redkim dla hurtu kłubnym kancercie WZ-orkiestra vyjdzie na scenu poŭnym składam:
bajanist-virtuoz Alaksandr Šuvałaŭ, pijanist i kiraŭnik džaz-ansamblu «Dyližans» Andrej Łabčeŭski, hitaryst Aleh Ivanovič, viadučy džazavy bas-hitaryst Viačasłaŭ Siarhiejenka, bubnač z arkiestra Kupałaŭskaha teatra Andrej Saponienka i sam Źmicier Vajciuškievič.
Kancert pačniecca a 19-j i budzie doŭžycca kala 2 hadzin. Cana kvitkoŭ – 165 tysiač za tancplacoŭku i 215 tysiač za stolik. Nabyć kvitki anłajn možna tut.
Muzyki vykanajuć tvory z prajektaŭ «Narodny albom», «Ja naradziŭsia tut», «Śviaty viečar», «Cacačnaja krama», «Paraviny hodu», «Apošni zołak» i inšych, pieśni na słovy Karatkieviča, Vajačaka, Buraŭkina, Baradulina, Niaklajeva, Volskaha. Častka prahramy ŭžo zapłanavanaja, častka budzie vyznačanaja naŭprost padčas kancertu.
Admysłova pad kancert Tuzin.FM abnaviŭ staronku, pryśviečanuju Vajciuškieviču i WZ-Orkiestra, na jakoj možna prasłuchać i spampavać pieśni hurtu.