U Biełarusi stvorana Dyrekcyja budaŭnictva atamnaj elektrastancyi
V.a. kiraŭnika Dyrekcyi budaŭnictva AES pryznačany Michaił Filimonaŭ. U jakaści patencyjnych placovak razhladajucca Krasnapalanskaja i Kukšynaŭskaja.
Dyrekcyja budaŭnictva atamnaj elektrastancyi budzie ažyćciaŭlać funkcyi zakazčyka pa vykanańni kompleksu padrychtoŭčych i prajektna-vyšukovych rabot pa budaŭnictvie AES.
Pastanova ŭradu №1868 unosić taksama dapaŭnieńni ŭ Pałažeńnie ab Ministerstvie enerhietyki Respubliki Biełaruś i pryniata ŭ metach realizacyi ŭkazu kiraŭnika dziaržavy ad 12 listapada 2007 hodu № 565 "Ab niekatorych zachadach pa budaŭnictvie atamnaj elektrastancyi".
Zhodna z rašeńniem uradu, Ministerstvu enerhietyki pieradadziena funkcyja arhanizoŭvać i kaardynavać dziejnaść pa stvareńni jadziernaj enerhietyki i ažyćciaŭleńni budaŭnictva AES u Biełarusi.
Jak paviedamlałasia, u 2008 hodzie Biełaruś planuje pačać budaŭnictva AES. Ciapier viadziecca padrychtoŭka da abviaščeńnia mižnarodnaha tenderu na budaŭnictva. Pravodziacca raboty dla vybaru placoŭki dla budaŭnictva stancyi. U jakaści patencyjnych placovak razhladajucca Krasnapalanskaja i Kukšynaŭskaja.
Vykanaŭcam abaviazkaŭ kiraŭnika Dyrekcyi budaŭnictva AES pryznačany Michaił Filimonaŭ.