Jak zrabić śniehavika sa škarpetki
Pad ciopłym studzieńskim daždžom niaprosta lapić śniehavikoŭ. U bližejšy čas biełarusam śvieciać chiba hrazieviki. Ale kavałačak zimy možna zrabić sa staroj škarpetki.
Prostuju instrukcyju pa vyrableńni śniehavika ź niepatrebnych biełych škarpetak daje Handimania. Abrežcie nasok škarpetki pierad piatkaj, vyviernicie škarpetku navyvarat, zaviažycie z adnoha boku biełaj nitkaj, zasypcie suchi rys albo drobnyja šaryki pienapłastu, zaviažycie biełaj nitkaj z druhoha boku, niatuha abviažycie kanstrukcyju toj ža biełaj nitkaj vyšej za siaredzinu, zamaskirujcie hetuju nitku «šalikam» ź luboj tkaniny, a vierchni vuzieł – luboj viazanaj «šapkaj», dadajcie bułaŭki-vočki, huziki i lubyja inšyja elemienty pa žadańni.
Hetaja instrukcyja budzie aktualnaja prynamsi da nastupnaha tydnia: pakul śnieh kali i čakajecca, to mokry.
Taksama «škarpetkaviki» buduć aktualnyja ŭ Saŭdaŭskaj Aravii. Jak pieradaje Naviny.by, vučony-bahasłoŭ Machamied Salech al-Mundžyd zabaraniŭ lapić śniehavikoŭ sa śniehu, što raptoŭna vypaŭ u ciopłaj krainie.